Հովհաննես Սահակյանը հերքում է պետական միջոցների յուրացման մասին լուրերը

ՀՀ ԱՍՀՆ սոցիալական ապահովության ծառայության նախկին պետ Հովհաննես Սահակյանը հերքում է «Ժամանակ» թերթի այսօրվա հրապարակումը, որում ասվում է որ նա պաշտոնին հրաժեշտ տալուց առաջ պարգևավճարներ է տվել աշխատակիցներին:

«Լուրը անհեթեթություն է, հերթական անգրագետ և դիլետանտ մոտեցում է մի պարզ պատճառով, որովհետև Ֆինանսների նախարարության ֆինանսաբյուջետային վերահսկողական տեսչության կողմից ստուգումների արդյունքում, արձանագրությունների հիման վրա կազմված ակտում, հստակ նշված են 2014-2016 թվակաները: Ես Սոցիալական ապահովության պետական ծառայության պետ նշանակվել եմ 2017 թվականի օգոստոսի 9-ից»,- ասվում է Հովհաննես Սահակյանի տարածած հայտարարությունում: