Ձերբակալություններ` Թուրքիայի վարչապետի նստավայրում

Անկարայի գլխավոր դատախազության կողմից ընթացող` հակագյուլենական գործողությունները շարունակվում են:

Ըստ Milliyet-ի` հակագյուլենական հերթական գործողությունն այս անգամ իրականացվել է Թուրքիայի վարչապետի նստավայրում և դրան կից կառույցներում:

Թուրքիայում ահաբեկչական համարվող և նախորդ տարվա հեղաշրջման փորձն իրականացնելու մեջ իշխանությունների կողմից մեղադրվող կազմակերպության` FETO-ի հետ գաղտնի հարաբերություններ ունենալու, գյուլենականների շրջանում հայտնի ByLock հաղորդակցության ծրագիրն օգտագործելու մեղադրանքով ձերբակալման որոշում է կայացվել նստավայրում աշխատող 43 պաշտոնյանի նկատմամբ: Նրանցից մի քանիսը գործողության ընթացքում ձերբակալվել է:

Մյուսներին հայտնաբերելու ուղղությամբ աշխատանքները շարունակվում են: