Ռուսաստանը կհասնի իր նպատակներին և կշարժվի առաջ․ Պուտինը շնորհավորել է ռուս ժողովրդին

ՌԴ նախագահ Վլադիմիր Պուտինն իր ամանորյա ուղերձն է հղել ռուս ժողովրդին։ Նա հայտարարել է, որ Ռուսաստանը կհասնի իր նպատակներին և կշարժվի առաջ։ Այս մասին տեղեկանում ենք РБК-ից։

«Մենք հույսը դնում ենք մեր սեփական ուժերի վրա, նրանց վրա, ովքեր մեզ համար մտերիմ և թանկ են, և մենք միշտ պատրաստ ենք օգնության ձեռք մեկնել»։

Պուտինը նշել է, որ ռուս ժողովուրդը իր հաջողություններով նոր գլուխներ է գրում երկրի հազարամյա պատմության մեջ, և նրանց միասնության ուժը որոշում է նրա ինքնիշխանությունն ու անվտանգությունը։ Նա ռուսներին մաղթել է երջանկություն, առողջություն, փոխըմբռնում և ոգեշնչող սեր։

«Թող մեր ավանդույթները, հավատքն ու հիշողությունը միավորեն բոլոր սերունդներին և միշտ և ամբողջ ուժով աջակցեն մեզ։ Միասին մենք մեկ մեծ ընտանիք ենք՝ ուժեղ և միասնական»։