Նյու Յորքի իշխանությունները արտակարգ նիստ են հրավիրել` պայքարելու են առնետների դեմ

Նյու Յորքի իշխանությունները չորքեշաբթի երեկոյան արտակարգ խորհրդակցություն են անցկացնելու. Նյու Յորքի Բրոնքս թաղամասի բնակիչներից մեկը մահացել է առնետների կողմից տարածվող լեպտոսպիրոզ վարակիչ հիվանդությունից. հայտնում է РИA Новости-ն` NBC News York-ին հղումով:

Ըստ տեղի իշխաննությունների տվյալների` Բրոնքսում հիվանդացության ևս 2 դեպք է գրանցվել, հիվանդներն ապաքինվել են: «Հիվանդությունը լուրջ է, սակայն մատչելի հակաբիոտիկների միջոցով հնարավոր է բուժել»,- ասել են առողջապահության դեպարտամենտում` հավելելով, որ պայքար են մղում կրծողների դեմ:

Բնակիչները բողոքում են, որ առնետները վխտում են քաղաքում, դրանք ամենուր են` ոչ միայն շենքերում, այլևս մետրոյի գնացքներում:

Անհանգստության չափն այնքան մեծ է, որ Կարմիր խաչը ժամանակավոր կացարան է հատկացրել Բրոնքսում բնակվող 8 ընտանիքի: