Ձերբակալել են ուկրաինացի գրող Սերգեյ Ժադանին

Ուկրաինացի գրող Սերգեյ Ժադանին Մինսկում ձերբակալել են ռուսական «սեւ ցուցակների» հիման վրա եւ զրկել Բելառուս մուտքի իրավունքից, հայտնում է BBC–ի Ռուսական ծառայությունը։

Ժադանը ամենահայտնի եւ ամենից շատ թարգմանված ժամանակակից ուկրաինացի գրողներից է։ Նա ժամանել էր Մինսկ 24-րդ Գրքի միջազգային ցուցահանդեսին մասնակցելու։

Հանդիպումներից հետո ուկրաինացի գրողին փետրվարի 11-ին ձերբակալել էին հյուրանոցի իր համարում։

Գրողը գիշերը բանտախցում անցկացնելուց հետո առավոտյան բացատրական նամակ է գրել, որից հետո նրա անձնագրում անորոշ ժամկետով Բելառուս մուտքի արգելքի կնիք են դրել։

Իրավապահները Ժադանին հայտնել են, որ նա պետք է լքի Բելառուսը 3 օրվա ընթացքում։ Նա կարող է Բելառուս վերադառնալ միայն այն ժամանակ, երբ ռուսական հատուկ ծառայությունները հանեն նրա անունը «սեւ ցուցակից»։

Այս կապակցությամբ Ուկրաինայի դեսպանատունը նոտա է հղել Բելառուսի ԱԳՆ–ին։