Խառը հայտարարությունների օրը

Քաղաքագետ Սուրեն Սարգսյանն իր ֆեյսբուքյան էջում գրել է. «Թրամփը հայտարարել է, որ ԱՄՆ-ն այլևս չի տապալելու օտարերկրյա ռեժիմները։ Պուտինը հաստատել է, որ թույլ չի տալու երրորդ երկրներին որևէ պետության ներքին գործերին խառնվել և իշխանափոխություն իրականացնել։ Էրդողանը հաստատել է, որ Սիրիա է մտել Ասսադին տապալելու համար։

Ստացվում է, որ Թուրքիան այլևս չունի ԱՄՆ աջակցությունը Սիրայում և Մերձավոր Արևելքում և ունի Ռուսաստանի կոշտ ընդդիմությունը։ Եթե Ամերիկան և Ռուսաստանը իրենց հայտարարությունները վերջնական դիրքորոշում և կոնկրետ գործողութնուններ դարձնեն, ապա կայունացման գործընթացն աշխարհում սկսված է։ Իսկ ապակայունացնող միակ գործոնը մնում է մեր վաղեմի «բարեկամ» Թուրքիան»։