Մնում է՝ վարչապետի նման ասեք՝ կարտոֆիլ չկա, խառը կանաչի կերեք․ Էլինար Վարդանյան

«Հայաստան» խմբակցության պատգամավոր Էլինար Վարդանյանը ԱԺ-ում Կենտրոնական բանկի խորհրդի անդամի պաշտոնում Արտակ Մանուկյանի թեկնածության քննարկման ժամանակ, դիմելով Մանուկյանին, ասաց․ «Մարդը, որ գնում է հաց առնելու, մսամթերք կամ բանջարեղեն առնելու, իր կյանքում չի տեսնում գնաճի հետևանքները մեղմելու՝ կառավարության գործողությունները։ Գործնականում, Ձեր կարծիքով, կառավարությունն ի՞նչ  գործողություն կարող է կատարել՝ մեղմելու հետևանքները։ Ոչ թե՝ գնաճը, այլ հետևանքները»։

Մանուկյանի խոսքով՝ գնաճի հետ կապված առկա շոկը ոչ միայն Հայաստանում է,  այլ՝ աշխարհում։  Բանջարեղենի գնաճն էլ պայմանվորված է կարտոֆիլի գնաճով։

«Մնում է՝ վարչապետի նման ասեք՝ կարտոֆիլ չկա, խառը կանաչի կերեք։ Միջազգային գների հետ համեմատած՝ մեր երկրում գնաճը անհամարժեք է»,- արձագանքեց Վարդանյանը։

Մանրամասն՝ տեսանյութում։