Պաշտպանության ոլորտում բյուջեի ավելացում չի սպասվում. Վիգեն Սարգսյան

Պաշտպանության նորանշանակ նախարար Վիգեն Սարգսյանն այսօր խորհրդարանում ամեն կերպ փորձեց խուսափել լրագրողների հարցերին պատասխանելուց: Նա միայն հայտարարեց, որ պատրաստ է խոսել 2017 թվականի բյուջեի մասին, սակայն այդ թեմայի շուրջ էլ կցկտուր խոսեց և անդրադարձավ միայն ընդհանուր ֆինանսական քաղաքականությանը՝ պատճառաբանելով, որ ՊՆ բյուջեն հասկանալի պատճառներով փակ է ու գաղտնի:

«Կարող եմ ասել, որ բյուջեի ավելացում այս տարի չի սպասում: Այն, ինչ նախատեսվում է, բնականոն աճի շրջանակներում է, բայց մենք ունենք ներքին լուրջ վերաբաշխումներ՝ կապված խնայողությունների հաշվին մարտական պատրաստվածության և սպառազինության հետ, ինչպես նաև ներսում սպառազինության վրա գումարների ավելացման առումով: Սա ՊՆ քաղաքականությունն է, որը պահպանվելու է եկող տարում»,- ասաց նախարարը:

Սարգսյանն անպատասխան թողեց ապրիլյան պատերազմից հետո ստեղծված իրավիճակի վերաբերյալ և մնացած այլ հարցերը: