Վահրամ Բաղդասարյանը չի ցանկանում մեկնաբանել Վիկտոր Դալլաքյանի հրաժարականը

Հայտնել էինք, որ այսօր տեղի է ունեցել Վիկտոր Դալլաքյանի մամուլի ասուլիսը, որի ժամանակ նա հայտարարել է` եթե  այս ասուլիսից հետո իր կամ իր ընտանիքի անդամներից մեկի հետ որևէ բան պատահի, պատասխանատուն նախագահ Սերժ Սարգսյանն է:

Այս հայտարարության մասին yerkir.am-ը փորձեց գնահատական ստանալ ԱԺ ՀՀԿ խմբակցության ղեկավար Վահրամ Բաղդասարյանից, սակայն նա չցանկացավ մեկնաբանել այն:

Մեր այն հարցին էլ` գուցե Հանրապետական կուսակցությունը ճնշումների՞ է ենթարկել Դալլաքյանին, այդ պատճառով է այս հայտարարությունն արվել, Բաղդասարյանն արձագանքեց. «Նա Հանրապետական կուսակցության անդամ է եղել: Թե ի՞նչ է պատահել, այդ մեկնաբանությունները ես չեմ կարող տալ: Հանրապետական կուսակցությունում որևէ ինտրիգ, որևէ բան չի եղել: Մնացած հարցերն ուղղեք նրան»:

Հիշեցնենք` Վիկտոր Դալլաքյանը ՀՀ նախագահի աշխատակազմի ղեկավարի տեղակալն էր, ինչպես նաև ԱԺ-ում ՀՀ նախագահի մշտական ներկայացուցիչը: