Ով է հաղթում Գյումրիում եւ Վանաձորում. նախնական տվյալներ

Ինչպես արդեն տեղեկացրել էինք, հանրապետության 6 մարզերի թվով 375 համայնքներում ՏԻՄ ընտրություններ էին: Ընտրություններ էին նաեւ հանրապետության երկրորդ եւ երրորդ քաղաքներում` Գյումրիում եւ Վանաձորում, որտեղից արդեն կան ընտրությունների նախնական տվյալներ:

Այսպես, Realelections.am-ի  տվյալների համաձայն` Գյումրիում առաջատար է Բալասանյան դաշինքը ( 12 163  ձայն), երկրորդ տեղում ԲՀԿ-ն (7506) է, երրորդում` Հայկական վերածնունդը (ՕԵԿ) (3745): ԳԱԼԱ-ն (3696) չորրորդ տեղում է:

Վանաձորում առաջատարը  ՀՀԿ-ն է (10086), երկրորդ տեղում «Լուսավոր Հայաստանն» (7484) է, երրորդը «Հայկական վերածնունդն» (3712) է:  Չորրորդ տեղում ԲՀԿ-ն (2090) է: