ՀՅԴ-ն կպահպանի իր պորտֆելները

ՀՅԴ ԳՄ ներկայացուցիչ Աղվան Վարդանյանի կարծիքով` նոր ձեւավորվելիք կառավարությանն անհրաժեշտ են նոր մետեցումներ, նոր որակ։ Այս մասին նա ասել է «Ազատություն» ռադիոկայանի հետ զրույցում: 

Խոսելով վարչապետի ամենահավանական թեկնածու Կարեն Կարապետյանի մասին` Վարդանյանն ասել է. «Կարեն Կարապետյանին մենք գիտենք իբրև եռանդուն, ժամանակակից մտածողությամբ, բարդ խնդիրներ առաջադրելու, ձևակերպելու ու լուծելու ընդունակ և լավ կազմակերպիչ՝ իր նախորդ աշխատանքային փորձառությամբ։ Հուսով ենք, որ նա՝ նոր վարչապետը, կկարողանա էլ ավելի համախմբել և կառավարության արդյունավետությանը նոր որակ հաղորդել»:

Աղվան Վարդանյանը հայտարարել է, որ նոր կառավարությունում Դաշնակցությունը կպահպանի իր նախարարական տեղերը այն չափով, ինչ չափով ներկայացված էր լիազորությունները վայր դնող կառավարությունում։