Դավութօղլուն հրահանգել է աջակցել Ղարաբաղի հարցով ադրբեջանական ստորագրահավաքին

Թուրքիայում իշխող «Արդարություն և զարգացում» կուսակցությունը կօգնի ադրբեջանցիներին՝ Սպիտակ տան օրակարգ բերել Լեռնային Ղարաբաղի վերաբերյալ իրենց պահանջները:

Ըստ Sabah-ի՝ ադրբեջանական ՀԿ-ները Լեռնային Ղարաբաղի նկատմամբ իրենց իրավունքների ճանաչումը պահանջող արշավ են սկսել: Սպիտակ տան պաշտոնական կայքի «We the People Petitions» բաժնում տեղադրված ստորագրահավաքի շրջանակներում 100.000 ստորագրություն հավաքելու դեպքում Սպիտակ տունը քննարկման կդնի ադրբեջանական պահանջները:

Թուրքիայի վարչապետ Ահմեդ Դավութօղլուի հրահանգով՝ ԱԶԿ-ի ենթակառուցվածքներին իրենց ողջ հնարավորություններով ստորագրահավաքին սատար կանգնելու ցուցում է տրվել: