Այսօր ՄԻԵԴ-ը կվճռի՝ արդյո՞ք 1915-ի ժխտումը հանցագործություն է, թե՞ ոչ

Այսօր՝ հոկտեմբերի 15-ին, Եվրոպական դատարանի Մեծ պալատը կհրապարակի «Փերինչեքն ընդդեմ Շվեյցարիայի» գործով վճիռը:

Թուրքական «Հայրենիք» կուսակցության ղեկավար Դողու Փերինչեքը 2005 թվականին Շվեյցարիայում կայացած մի համաժողովի ժամանակ ժխտել էր Հայոց ցեղասպանությունը` ասելով, որ այն «միջազգային սուտ է»: Հայ-շվեյցարական հիմնադրամն էլ Դողու Փերինչեքի այդ հայտարարությունից հետո հայց էր ներկայացրել դատարան, և շվեյցարական դատարանը Փերինչեքին մեղավոր էր ճանաչել:

2013-ին Փերինչեքն այս գործով մտել էր Մարդու իրավունքների եվրոպական դատարան` պնդելով, որ ոտնահարված է ազատ խոսքի` իր իրավունքը: Դատարանի ստորին պալատը վճռել էր, որ Փերինչեքի արտահայտությունները «ազատ խոսքի շրջանակներում են»: 

Հայտարարությունը սպասվում է Գրինվիչի ժամանակով 09:45-ին: Սպասվում է նաև, որ վճռի հրապարակման ժամանակ կլինեն հայ և թուրք համայնքների ներկայացուցիչներ: