«Քարավան 1915». այսօր Թուրքիայում Հայոց ցեղասպանության մասին պատմող ֆիլմ կցուցադրվի

Այսօր  Թուրքիայում կցուցադրվի Հայոց ցեղասպանության մասին պատմող «Քարավան 1915» նոր ֆիլմը:

Ըստ «Ասպարեզ»-ի՝ ֆիլմի առաջին ցուցադրությանը ներկա կլինի նաև երկրի մշակույթի  և զբոսաշրջության նախարար Նուման Քուրթուլմուշը:

Ֆիլմի հեղինակը նշել է, որ ֆիլմի նպատակը քննարկելը չէ` Հայոց ցեղասպանությունը տեղի՞ է ունեցել, թե՞ ոչ: Ֆիլմը մի կառապանի մասին է, որին հանձնարարված է եղել Գիրեսունում ապրող 200 հայերի «տեղափոխել» Հալեպ, այդ ընթացքում նա իրեն «վստահված» հայերին պաշտպանել է ավազակային հարձակումներից: Գիրեսունից Հալեպ ճանապարհին ֆիլմի հերոսները ականատես են լինում կոտորածների բազմաթիվ տեսարանների:

Ֆիլմի երաժշտական ձևավորումն իրականացրել է Սուրեն Ասատրյանը: