Ռուս զինծառայողի դիակի վրա սուր կտրող-ծակող առարկայով հասցված վնասվածքներ են եղել

Արդեն հայտնել ենք, որ այսօր առավոտյան Գյումրիի Մայր Հայաստան արձանի հարևանությամբ գտնվող տարածքում հայտնաբերվել է Գյումրիում տեղակայված ռուսական ռազմաբազայի զինծառայող Իվան Նովիկովի դին:

ՀՀ քննչական կոմիտեի նախագահի խորհրդական Սոնա Տռուզյանը yerkir.am-ին հայտնեց, որ նախնական զննությամբ դիակի վրա հայտնաբերվել են սուր կտրող-ծակող առարկայով հասցված վնասվածքներ: Դեպքի կապակցությամբ հարուցվել է քրեական գործ` ՀՀ ՔՕ 104-րդ հոդվածի՝ սպանության հատկանիշներով: Դեպքի վայրում է օպերատիվ քննչական խումբը՝ մարզի վարչության պետ Սամվել Սիմոնյանի գլխավորությամբ: Ձեռնարկվել են անհետաձգելի քննչական և օպերատիվ հետախուզական միջոցառումներ  առերևույթ հանցագործություն կատարած անձին հայտնաբերելու ուղղությամբ: