Սյունիքում զինվորական «Ուրալ» է շրջվել

«Փաստինֆո»-ի տեղեկություններով` երեկ Սյունիքի Անգեղակոթ գյուղի մոտակայքում ՀՀ ՊՆ զինված ուժերին պատկանող «Ուրալ» մակնիշի ավտոմեքենա է շրջվել: 

Yerkir.am-ի հետ զրույցում այս տեղեկությունը հաստատեց ՀՀ պաշտպանության նախարարության մամուլի խոսնակ Արծրուն Հովհաննիսյանը` նշելով, որ 3 զինծառայող է տուժել, ովքեր, սակայն, լուրջ վնասվածք չեն ստացել:

Հիշեցնենք, որ նմանատիպ դեպք տեղի էր ունեցել ապրիլի 17-ին: Ժամկետային զինծառայողներին տեղափոխող` N զորամասին պատկանող «Ուրալ» մակնիշի ավտոմեքենան Սպիտակ-Երևան ավտոճանապարհի 19-րդ կիլոմետրին դուրս էր եկել երթևեկելի հատվածից և շրջվել հարակից ձորակը: Արդյունքում` մեկ զինծառայող մահացել էր, 9-ն էլ տարբեր աստիճանի մարմնական վնասվածքներով տեղափոխվել էին հիվանդանոց: