Քննչական կոմիտեն լավ ա քննում. Կոստանյան

Այսօր ԱԺ-ում ՀՀ գլխավոր դատախազ Գևորգ Կոստանյանը, պատասխանելով հարցին, թե ինչո՞ւ է Սուրիկ Խաչատրանի որդին գործում ներգրավվել որպես վկա, եթե տուժողները պնդում են, որ Տիգրան Խաչատրյանի ծեծի հետևանքով է, որ տղաներից մեկը կորցրել է աչքը, ասաց. «Եթե գործում կան նման տվյալներ, բացի զուտ հրապարակված` այս կամ այն անձի կարծիքի հիման վրա եղածներից, ես վստահ եմ, որ քննության մարմինները համապատասխան կարգավիճակ կտան նրան: Այսինքն՝ եթե որևէ մեկն ասում է, որ սա նրան խփեց, կամ, հաստատ, նա է սրան վիրավորել, ապա ես համոզված եմ, որ նախաքննության մարմիններն այդ գնահատականները պետք է տան»:

Ըստ նրա` այս պահի դրությամբ՝ ինքը տեղյակ չէ քրեական գործի քննության ընթացին և թե ինչ ապացույցներ են ձեռք բերվել: «Բայց ենթադրում եմ, որ երկուշաբթի օրը ես կպահանջեմ գործը և դեռ կտեսնեմ, թե ով ինչ քննություն է արել, և արդյոք իրավական գնահատականներ տրվե՞լ են, թե՞ չեն տրվել: Քրեական գործը թող քննեն, քննչական կոմիտեն լավ ա քննում»,- ընդգծեց Կոստանյանը: