Ոստիկանապետը դեմ է ներքին գործերի նախարարության ստեղծմանը

Վարչապետ Հովիկ Աբրահամյանը Ջերմուկում լրագրողների հետ զրույցում հայտարարել էր, որ առաջիկայում ստեղծվելու է ներքին գործերի նախարարություն: Խոսակցություններ կան, որ կառույցի ստեղծումից հետո Վլադիմիր Գասպարյանը հնարավոր է` պաշտոնանկ արվի:

Այսօր yerkir.am-ի լրագրողը ոստիկանապետից հետաքրքրվեց` ցանկանո՞ւմ է, որ նման նախարարություն ստեղծվի: «Կարծում եմ, որ ոստիկանապետը, ոստիկանությունն ավելի ճիշտ է, ինչո՞ւ, որովհետև քաղաքականությունից դուրս է, ոստիկանապետը ոչ մի կուսակցության անդամ չէ, հետևաբար, ավելի ազատ է իր գործունեության մեջ, կուսակցական և այլ ճնշումների չի կարող ենթարկվել»,-ասաց նա և հավելեց, որ իր համար ոստիկանությունն ավելի ճիշտ մոդել է: