«Րաֆֆից բացի, ո՞վ կա այնտեղ ընդդիմադիր»

«Ժառանագություն» կուսակցության անդամ Անահիտ Բախշյանը միշտ չէ, որ կարող է իր մտածածն ու զգացածը հայտնել հայաստանյան ներքաղաքական իրավիճակի մասին:

Այսօր` լրագրողների հետ հանդիպման ժամանակ, հարցին, թե ինչո՞ւ է եռյակը լռում, նա հենց այդպես էլ պատասխանեց` չի կարող արտահայտել կարծիքը հրապարակայնորեն, սակայն դրա մասին հայտնել է կուսակցության առաջնորդ Րաֆֆի Հովհաննիսյանին:

ԱԺ ՀՀԿ-ական պատգամավոր Սուքիաս Ավետիսյանն այս հարցին պատասխանեց` իրենց գործն է, իրենք են այդպես որոշել: Իսկ նրա կարծիքով` գուցե ասելիք չունեն և նպատակահարմար չեն համարում երկու շաբաթը մեկ մարդկանց հրապարակում հավաքել:

Այս զրույցի ընթացքում, սակայն, Ա. Բախշյանը երկու նախադասություն ասաց` «Րաֆֆից բացի, ո՞վ կա այնտեղ ընդդիմադիր», «Րաֆֆի Հովհաննիսյանը կոչ արեց միասնականության և պատանդն է իր կոչի»: Այլ մանրամասներ և պարզաբանումներ տալ նա չցանկացավ: