Աշխարհն աջակցում է Հայաստանի՞ն, թե՞ Ադրբեջանին

Ըստ ադրբեջանական ԱՊԱ գործակալության` այսօր Ադրբեջանի ԱԳ նախարար Էլմար Մամեդյարովը լրագրողների հետ զրույցում հայտարարել է. «Մենք կողմնակից ենք Լեռնային Ղարաբաղին ամենաբարձր մակարդակի ինքնավարություն տրամադրելուն: Աշխարհը աջակցում է պաշտոնական Բաքվի դիրքորոշմանը՝ ղարաբաղյան խնդիրը Ադրբեջանի տարածքային ամբողջականության շրջանակներում լուծելու հարցում։ Մենք պետք է քաղաքական և դիվանագիտական նախաձեռնություն հանդես բերենք, որպեսզի հարցը փակուղուց դուրս գա։ Համոզված ենք, որ առաջակայում որոշակի առաջընթաց կգրանցվի»:

Ի դեպ, Հայաստանի ԱԳ նախարար Էդվարդ Նալբանդյանը ևս հաճախ է կրկնում, որ «աշխարհը աաջակցում է պաշտոնական Երևանի դիրքորոշմանը` ղարաբաղյան խնդրի առնչությամբ»:

Նշանակում է` կա'մ Հայաստանի ԱԳ նախարարը, կա'մ Ադրբեջանինը, մեղմ ասած, ճիշտ չեն ասում: