Պատասխան եք տալու. Էրդողանը բացահայտորեն բոլորին սպառնացել է

Ըստ Taraf-ի`Թուրքիայում գաղտնալսումները բացահայտելուց և հրապարակելուց վրդովված վարչապետ Ռեջեփ Թայիփ Էրդողանը բացահայտորեն սպառնացել է ԶԼՄ-ներին, գրողներին, բյուրոկրատներին, ընդդիմադիրներին և նույնիսկ նրանց, ովքեր լուռ են մնացել:

«Ինչ ունեք-չունեք հրապարակեք: Ձեզ եմ դիմում` գրողներ, լրագրողներ, հրապարակողներ: Ջրհեղեղից հետո ավազը մնում է: Օրը կգա, աշխարհը կպտտվի: Այս ամենի համար պատասխան եք տալու»,- ասել է Էրդողանը:

Նշենք, որ վերջերս նա հաճախ է զանգում Haberturk-ի խմբագրին` Ֆաթիհին, և իր դժգոհությունը հայտնում` լուրերի հետ կապված, ինչը հումորի առարկա է դարձել համացանցում` «Ալո, Ֆաթիհ» ենթատեքստով: