Ընդդիմությունը լքեց նիստերի դահլիճը` բոյկոտում են

Երեկ բոլորի ուշադրության կենտրոնում ԱԺ-ն էր` իր պատգամավորներով: Պարզվում է` ԱԺ պատգամավորների երեկվա արկածներին մինչեւ լույս հետեւել էին նաեւ Երիտասարդական խորհրդարանի ներկայացուցիչները: Երեկվա դեպքերով այնքան են տարվել կամ գուցե հիասթափվել, որ մոռացել են այսօրվա նիստը: Այսօր ԱԺ-ում պետք է տեղի ունենար Երիտասարդական խորհրդարանի հերթական նիստը, սակայն այն հետաձգվեց քվորումի պատճառով. նիստին 131 երիտասարդ խորհրդականներից ներկայացել էր 23-ը:

Երիտասարդներն էլ գցեցին-բռնեցին եւ որոշեցին սպասել, սուրճ խմել` մինչեւ քվորում լինի: Որոշ ժամանակ անց քնած մնացած երիտասարդ պատգամավորները հավաքվեցին: Քվորում կա, բայց կարճ ժամանակ անց ընդդիմությունը լքեց նիստերի դահլիճը. բոյկոտում են, ինչպես մեծերը...