Սպունգ Բոբի տեսքով շիրմաքար է հանվել

Հայտնի մուլտհերոս Սպունգ Բոբի տեսքով շիրմաքարը, որը դրված էր իրաքյան պատերազմի վետերան Քիմբերլի Ուոլքերի շիրիմին` Օհայո նահանգի Ցինցինատի քաղաքի գերեզմանատանը, հանվել է. այս մասին տեղեկացնում է Associated Press-ը:

Գերեզմանատան հարցերով զբաղվող աշխատակիցները հայտնել են, որ այն չի համապատասխանել գերեզմանատան ընդհանուր տեսքին, այդ պատճառով էլ հանվել է, թեեւ գերեզմանատան տնօրենը հավաստիացրել է, որ այդ քայլն աշխատակցի չմտածված գործունեության արդյունք է միայն:

Քիմբերլիի քույր Կառա Ուոլքերն ասել է, որ բոլոր հարազատները վշտացած են, և իրենք ընտրել էին այդ ժպտացող կերպարն այն պատճառով, որ Քիմբերլին շատ է սիրել Սպունգ Բոբին: