''Հարսնաքարի գործով'' տուժողների ներկայացուցչի ճառին էին սպասում

Ավան եւ Նոր Նորք վարչական շրջանների ընդհանուր իրավասության դատարանում` դատավոր Դավիթ Հարությունյանի նախագահությամբ, շարունակվեց «Հարսնաքար» ռեստորանային համալիրի աշխատակիցներ Գարիկ Մարգարյանի, Արման Խաչատրյանի, Նորայր Հայրապետյանի, Արման Բաղդասարյանի, Դավիթ Ադամյանի  եւ Արթուր Բաբլոյանի դեմ հարուցված քրեական գործով հերթական դատական նիստը:

Այսօրվա նիստին ճառով պետք է հանդես գար տուժողի իրավահաջորդ Գառնիկ Ավետյանի և տուժողների ներկայացուցիչ Տիգրան Եգորյանը:

Սակայն փաստաբանը դատարանին ուղղված նամակում հայտնել էր, որ մահացել է իր ազգականներից մեկը և նիստին ներկայանալ չի կարող: Հաշվի առնելով Եգորյանի բացակայության վերաբերյալ` կողմերի կարծիքը` դատավորը վճռեց նիստը հետաձգել և նշանակել հոկտեմբերի 8-ին: