ԵՄ պատվիրակությունը կոչ է ուղղել Հայաստանի իշխանություններին

Հայաստանում գտնվող ԵՄ պատվիրակությունը կոչ է ուղղել Հայաստանի իշխանություններին ակտիվիստների վրա հարձակումների կապակցությամբ:

«Այս հայտարարությունը Եվրոպական Միության պատվիրակությունն անում է` Հայաստանում ԵՄ անդամ պետությունների դիվանագիտական առաքելությունների ղեկավարների հետ համաձայնեցնելով:

ԵՄ պատվիրակությունն իր խոր մտահոգությունն է հայտնում վերջերս Երևանում քաղաքացիական հասարակության ներկայացուցիչների դեմ հարձակումների, ինչպես նաև մարդու իրավունքների պաշտպանների ահաբեկման դեպքերի կապակցությամբ: ԵՄ պատվիրակությունը կոչ է անում հայաստանյան իշխանություններին` շուտափույթ և վճռական քայլեր ձեռնարկել այդ գործողություններն իրականացնողներին առանց հապաղման պատասխանատվության ենթարկելու ուղղությամբ:

ԵՄ պատվիրակությունը հիշեցնում է, որ ժողովրդավարական սկզբունքների, մարդու իրավունքների և հիմնարար ազատությունների նկատմամբ հարգանքը շարունակում են մնալ Եվրոպական Միության և Հայաստանի երկկողմ օրակարգի կարևոր տարրերը»: