Ադրբեջանում դժգոհ են Այլիսլիի գրքի հայերեն տարբերակի տպագրության կապակցությամբ

«Քարե երազներ» վեպը եւս մեկ հարված է Ադրբեջանի ժողովրդին, մեր քաղաքացիներին, ազգային ու պետական շահերին. ըստ APA գործակալության` այսօր լրագրողներին հայտարարել է Ադրբեջանի նախագահի աշխատակազմի հասարակական-քաղաքական բաժնի ղեկավար Ալի Հասանովը:

Կարծիք հայտնելով վեպի հայերեն թարգմանության եւ Հայաստանում տպագրության մասին` նա նշել է, որ «այսօր եւ ապագայում հայկական պետությունը, նրա գաղափարախոսական կառույցները, նաեւ հայկական սփյուռքը կօգտագործեն Աքրամ Այլիսլիի հակաադրբեջանական դիրքորոշումը մեր դեմ»: «Մենք պետք է պատրաստ լինենք դրան եւ իրական փաստերով, իրողությամբ պատասխանենք»,- հայտարարել է Հասանովը: