՛՛Օտպուսկ՛՛՝ քարոզի դիմաց. ՛՛Ժողովուրդ՛՛

ՀՀ պաշտպանության նախարարությունում բանավոր կարգով ներքին հրահանգ է իջեցվել, որին պարտավոր են ենթարկվել բոլոր սպաները: Ըստ այդմ` եթե որեւէ զինվոր կարող է Հանրապետական կուսակցության համար ձայն բերել կամ դրանից բխող ինչ-որ աշխատանք կատարել, ապա նրա ծննդավայրի շտաբի պետը կարող է դիմել զորամասի հրամանատարին՝ խնդրելով նրանից «ձայն բերող» երիտասարդին 8-10 օրով արձակուրդի ուղարկել:

Ու քանի որ Սերժ Սարգսյանի նախընտրական շտաբի պետերը տեղական իշխանիկներն են, ուստի զինվորների արձակուրդի հարցերով այս ընթացքում հենց նրանք են զբաղվում: Այս մասին գրում է «Ժողովուրդ» օրաթերթը:

Թերթը լուրի իսկությունը փորձել է ճշտել ՀՀ պաշտպանության նախարարության մամլո խոսնակ Արծրուն Հովհաննիսյանից, որը, բնականաբար, հերքել է տեղեկությունը. «Նման բան բացառվում է: Նույնիսկ նախարարը հրաման է տվել, որ փետրվարի 18-ին լինեն իրենց տեղում»: