Արտակարգ հանդիպում` Սիրիայի հարցով

Արաբական պետությունների լիգայի անդամ երկրների արտգործնախարարները արտակարգ հանդիպում են անցկացնելու Կահիրեում` քննարկելու կազմակերպությանը Սիրիայի անդամակցության դադարեցման հարցը: Լիգայի որոշ անդամներ դեմ են այդ քայլին. տեղեկացնում է Reuters գործակալությունը:

Ըստ գործակալության աղբյուրի` կազմակերպությունը պահանջելու է նաեւ Սիրիայի նախագահ Բաշար Ասադից ներկայացնել քաղաքներից զորքերի դուրսբերման գրաֆիկը եւ դադարեցնել քաղաքացիական անձանց սպանությունները:

Արտակարգ նիստը հրավիրվում է Լիգայի ` Պարսից ծոցի արաբական երկրների խնդրանքով, որոնցից մի քանիսը, այդ թվում` Սաուդյան Արաբիան, իրենց դեսպաններին հետ են կանչել Սիրիայից: Սակայն արաբական մի շարք երկրներ մտահոգված են, որ Սիրիայում իշխանությունների տապալումը քաոս կառաջացնի տարածաշրջանում: