Ձանձրույթ...

Չինացի ռեժիսոր Լի Հունցիի «Ձմեռային արձակուրդ» ֆիլմը ներկայացնում է Հյուսիսային Չինաստանի մի փոքրիկ քաղաք, որտեղ 9 դեռահաս եւ 2 երեխա մի խումբ մեծահասակների հետ ոչ մի զբաղմունք չունեն և ապրում են մի միջավայրում, որում ոչինչ չի փոխվում:

Քաղաքի վրա, կարծես, ձանձրույթի ամպ կախված լինի, ոչ մի տեղ, ոչ մի բան չի կրկնվում, բայց նույնն է ամեն ինչ:

Ինչպես ռեժիսորն է նշում, ինքը փորձել է ֆիլմ նկարել ոչ միայն չինացիների, այլեւ բոլոր մարդկանց համար` պատմելով իրական կյանքի մասին: Լ. Հունցին տեղեկացրեց, որ Չինաստանում արգելված է հեղինակային ֆիլմերի ցուցադրումը: «Կառավարության հովանավորությամբ տարեկան նկարում են 400-ից ավելի ֆիլմեր, իսկ այն ֆիլմերը, որոնց մասին շատերը չգիտեն, հասնում են մոտ 2000-ի»,- ասաց ռեժիսորը: