Պատրաստվում են նոր սադրանքների

Ադրբեջանական լրատվամիջոցները լուրեր են տարածել, թե փետրվարի 20-ին հայկական զինված ուժերը խախտել են հրադադարի ռեժիմը` ադրբեջանական կողմին պատճառելով կորուստներ:

Այդ կապակցությամբ ՀՀ պաշտպանության նախարարի մամուլի քարտուղար Դավիթ Կարապետյանը հայտնում է, որ ԼՂՀ Պաշտպանության բանակից ստացված տեղեկությունների համաձայն` հենց Ադրբեջանի զինված ուժերն են փետրվարի 20-ին բազմիցս խախտել հրադադարի ռեժիմը:

«Ադրբեջանական լրատվամիջոցներում ադրբեջանական բանակի բազմաթիվ զոհերի ու վիրավորների մասին տեղեկությունները կարող են հետևանք լինել ինչպես իրենց բանակում տեղի ունեցող ինքնասպանությունների ու ինքնախեղումների, այնպես էլ այդ կորուստների մի մասը կարող է հետևանք լինել ադրբեջանական զինված ուժերի դիվերսիոն գործողությունների: Հաշվի առնելով այն, որ ադրբեջանական կողմը սադրանքը դարձրել է առօրյա գործելակերպ, հնարավոր է նաև, որ կորուստների մասին բազմաթիվ հրապարակումներով Ադրբեջանը փորձում է հող նախապատրաստել հետագա սադրանքների համար: Հայկական զինված ուժերը շարունակում են հարգել հրադադարի ռեժիմը»,- նշում է ՀՀ պաշտպանության նախարարի մամուլի քարտուղարը: