Տարին կարեւորվել է ՀՀ գործընկերների հետ համագործակցությամբ

 2010 թվականը նախարարության համար կարեւորվեց Հայաստանի Հանրապետության համապատասխան մարմինների հետ համագործակցությանշրջանակներում ձեռք բերված հաջողություններով”,-այսօր հրավիրած մամուլի ասուլիսի ժամանակ հայտարարել է ԼՂՀ արդարադատությաննախարար Նարինե Նարիմանյանը` ամփոփելով անցած տարվա արդյունքները:

Նախարարի տեղեկացմամբ` տարվա ընթացքում ՀՀ եւ ԼՂՀ արդարադատության նախարարությունների ԴԱՀԿ ծառայությունների միջեւ կնքվել էփոխըմբռնման հուշագիր, որի արդյունքում հաստատվել է համագործակցության միջոցառումների ծրագիրը: Հայաստանյան գործընկերների կողմից ԼՂՀ ԴԱՀԿ ծառայությանը հատկացվել է 1 ավտոմեքենա, 7 համակարգիչների լրակազմ եւ 2 սերվեր: Ներդրվել են հաշվապահության, արխիվի, գրասենյակային գործերի եւ կատարողական վարույթների վարման էլեկտրոնային ծրագրեր: Ստեղծվել է ծառայության ինտերնետային կայքէջ: Համագործակցության համաձայնագիր է կնքվել նաեւ ՀՀ ազգային  արխիվի եւ ԼՂՀ պետական արխիվի միջեւ:

Հունիսին ՀՀ եւ ԼՂՀ արդարադատության նախարարությունների միջեւ կնքվել է նաեւ գործընկերային համագործակցության մասին նոր հուշագիր, որում հստակեցվել են 2007թ. հուշագրում ամրագրված համագործակցության ուղղություններն ու եղանակները:

Հայաստանյան կառույցների հետ համագործակցության շրջանակներում մեկնարկել եւ շարունակում է մասնագետների վերապատրաստմանգործընթացը: