Ծննդյան տոների նանոբացիկ

Գլազգոյի համալսարանի գիտնականները պատրաստել են ամենափոքրիկ բացիկը: Ինչպես հաղորդում է BBC News-ը, շնորհավորական բացիկը ստեղծվել է նանոտեխնոլոգիաների կիրառմամբ:

200x290 միկրոն բացիկը 8.276 անգամ կարող է տեղավորվել ստանդարտ փոստային նամականիշի եւ ավելի քան 500.000 անգամ А5 ֆորմատի թղթի վրա: Նանոբացիկի վրա պատկերված է տոնածառ` երփներանգ գնդիկներով, ինչպես նաեւ շնորհավորագիր կա:

Շոտլանդացի մասնագետները պատմել են, որ այն պատրաստել են 30 րոպեում: «Ավելի շատ ժամանակ պահանջեց դիզայնի մշակումը»,- նշել են նրանք:

Գիտնականներն ասում են, ու միկրոբացիկն ստեղծել են նոր տեխնոլոգիաների հնարավորություններն ակնառու կերպով ցուցադրելու համար:

Ծննդյան նանոբացիկի ստեղծման համար կիրառված տեխնոլոգիաները հետագայում կարող են օգտագործվել տեսախցիկների, մոնիտորների եւ հեռուստացույցների արտադրության մեջ: