Մերժե՛նք ՔՊ-ին, մերժե՛նք չարիքի իշխանությանը և ընտրենք «Հայաստան»-ը՝ համար 17-ը․ Իշխան Սաղաթելյանը՝ Մարտունիում

«Հայաստան» դաշինքի անդամ, ՀՅԴ Հայաստանի ԳՄ ներկայացուցիչ Իշխանն Սաղաթելյանի ելույթը՝ Մարտունի քաղաքում քարոզարշավի ժամանակ․

«Վերջին հինգ տարիներին մենք երևի տարին նվազագույն երկու անգամ հանդիպել ենք, խոսել ենք մեր հարցերից, խնդիրներից, բայց այսօր եկել է այն պահը, որ առաջիկա ընտրություններն այդ բոլոր հարցերին լուծում տալու ժամանակն են: Սա պարզ, ընթացիկ, հերթական ընտրությունը չի: Սա մեր երկրի, պետականության լինել-չլինելու հարցն է: Այն իշխանությունը, որ մեր երկրին մենակ դժբախտություն, մահ ու ողբերգություն է բերել, այսօր կրկին ընկել է դռնեդուռ, ձեզանից քվե է խնդրում, որպեսզի վերարտադրվի: Եվ իրականում ի՞նչ է ասում մեր ժողովրդին: Այսօր Նիկոլը և ՔՊ-ն մեր ժողովրդին ասում են՝ մեզ քվեարկեք, որ Արցախի էջը փակենք: Եկեք մեզ քվեարկեք, որ անկախության հռչակագրից հրաժարվենք: Ասում են՝ եկեք մեզ քվեարկեք, որ հարձակվենք եկեղեցու վրա: Ասում են՝ եկեք մեզ քվեարկեք, որ ցեղասպանությունը ուրանանք: Եվ ամենավերջում ասում են՝ եկեք մեզ քվեարկեք, որ Հայաստանից նոր տարածքներ տանք Ադրբեջանին:

Երեկ այդ մասին մեկ անգամ ևս Նիկոլի մոտ արտաքին գործերի նախարար աշխատող Արարատ Միրզոյանը, որի անունը Եթե Նիկոլը ընտրվի, հավանաբար կփոխի՝ դնելով Արագած կամ չգիտեմ ինչ, Սյունիքում շատ հստակ հայտարարեց, որ Հայաստանի տիրապետության տակ կան ադրբեջանական տարածքներ, որը ենթադրում է, որ պետք է վերադարձվի: Այսինքն, աս չարիքի իշխանությունը, այսքան ողբերգություն, մահ բերելուց հետո, կրկին ձայն է խնդրում՝ իմ նշած այս գործողությունները կատարելու համար:

Ժողովուրդ ջան, մենք ի՞նչ ենք ասում: Մենք ասում ենք, որ եկեք մերժենք սրանք, մենք առաջարկում ենք և հստակ հայտարարում, որ այո, արցախահայերը Արցախ վերադառնալու իրավունք ունեն և մենք ամեն ինչ անելու ենք, որ Արցախի ժողովրդի վերադարձի իրավունքը միջազգայնացնենք և ասում ենք, որ պետք է պայմաններ ստեղծվի՝ արցախահայերը ապրեն Հայաստանում, որպեսզի նաև պահպանվի այդ վերադարձի իրավունքը: Մենք ասում ենք, որ թույլ չենք տալու թշնամու պահանջով փոխել մեր սահմանա դրությունը և հրաժարվել անկախության հռչակագրից:

Մենք ասում ենք՝ այո, հայ-թուրքական հարաբերությունները պետք է կարգավորվեն, բայց դա պետք է լինի առանց նախապայմանների: Եվ ցեղասպանության միջազգային ճանաչումն այլընտրանք չունի և սակարկման ենթակա չի: Նաև ավելացնում ենք, որ Ցեղասպանության միջազգային ճանաչումը դա միայն պատմության պատմության և անցյալի գնահատականը չի: Դա նաև շատ անհրաժեշտ է Հայաստանի անվտանգության և վաղվա համար:

Մենք շատ հստակ ասում ենք, որ Հայաստանի տիրապետության տակ ոչ միայն ադրբեջանական տարածքներ չկան, այլ Ադրբեջանի զորքերը Հայաստանի ինքնիշխան տարածքից պետք է դուրս գան:

Ժողովուրդ ջան, ես պարզ մի քանի կետերով ասացի՝ իրենք ինչ են ասում ու այդ հարցերի վերաբերյալ մենք ինչ ենք ասում: Սրանք վերընտրվելով՝ խաղաղության անվան տակ փորձելու են մեր պետականությունը և լինելիությունը առհասարակ դնել հարցականի տակ:

Ուրեմն եկեք այս հրապարակից սկսած՝ մերժենք ՔՊ-ին, մերժենք այս չարիքի իշխանությանը, ընտրենք Հայաստանը»։

Ելույթը՝ տեսանյութում։