Իրանը իր հարևանների համար կերաշխավորի խաղաղ ապագա. Ղալիբաֆ

Իրանն այսօր էլ, վերահսկելով Հորմուզի նեղուցը, իր և հարևանների համար կերաշխավորի խաղաղ ապագա՝ զերծ ամերիկյան ներկայությունից ու միջամտությունից։ Այս մասին գրել է Իրանի խորհրդարանի խոսնակ Մոհամմադ Բաղեր Ղալիբաֆը։

«1622 թվականին՝ 115 տարվա օկուպացիայից հետո, մենք վտարեցինք եվրոպացի գաղութարարներին Պարսից ծոցից, և ի նշան այդ հաղթանակի՝ այսօր նշում ենք Պարսից ծոցի օրը։ Իրանն այսօր ևս, ապահովելով Հորմուզի նեղուցի անվտանգությունը, իր և տարածաշրջանի երկրների համար կկերտի մի ապագա, որտեղ տեղ չի լինի Ամերիկայի միջամտության համար»,- X-ի էջում նշել է խոսնակը։

Ավելի վաղ ԱՄՆ նախագահ Դոնալդ Թրամփը՝ խոսելով Իրանի մասին, ասել էր.

«Շրջափակումը որոշ չափով ավելի արդյունավետ է, քան ռմբակոծությունը»։