Իրանը պատրաստ Է երկխոսություն վարել հարևանների հետ. Զարիֆ

Թեհրանը պատրաստ է երկխոսություն վարել հարեւանների հետ հանուն տարածաշրջանում անվտանգության ու կայունության վերականգնման. ըստ Yerkir.am-ի՝ հայտնում է ՏԱՍՍ-ը՝ Իրանի արտաքին գործերի նախարար Մոհամադ Ջավադ Զարիֆի խոսքերին հղումով:

«Իրանը բաց Է մնում իր հարևանների հետ երկխոսության համար, և մենք հայտարարում ենք տարածաշրջանի շահերին համապատասխանող ցանկացած լրացուցիչ աշխատանքի մասնակցելու մեր պատրաստակամության մասին»,- գրել Է Իրանի ԱԳ նախարարը Twitter-ի իր Էջում:

Նրա խոսքով՝ Թեհրանը «ողջունում է ցանկացած քայլ, որը վերածնում է տարածաշրջանի ժողովուրդների հույսերը ու կայունություն ու բարգավաճում Է բերում նրանց»:

Հունվարի 22-ին Իրանի նախագահի վարչակազմի ղեկավար Մահմուդ Վայեզին պարզաբանել է, որ «տարբերություններ կան Վաշինգտոնի և Էր Ռիադի հետ Թեհրանի հարաբերություններում»:

Զարիֆի պնդնմամբ՝ Սաուդյան Արաբիայի հետ հակասությունների լուծումը «օգուտ կբերի ամբողջ Մերձավոր Արևելքին»: