Իրանի դեմ պատերազմը հանգեցրեց ղեկավարության շուրջ ժողովրդի համախմբմանը. Պեսկով

Իրանի դեմ ռազմական գործողությունները հանգեցրին երկրի ղեկավարության շուրջ ժողովրդի ավելի լայն համախմբմանը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:

«Մենք տեսնում ենք, որ, ցավոք, պատերազմ սահմաններն ընդլայնվելու միտում ունի։ Մենք գիտենք, որ այս արշավի, այս ագրեսիայի հիմքում, այնուամենայնիվ, Թեհրանում գործող ռեժիմը փոխելու ցանկությունն էր։ Բայց հիմա պարզ է մի բան՝ որ յուրաքանչյուր նման գործողություն հանգեցնում է Իրանի ղեկավարության շուրջ ժողովրդի ավելի մեծ համախմբմանը», – ասել է Պեսկովը «Վեստի» լրատվականի լրագրող Պավել Զարուբինին։

Նրա կարծիքով՝ սթափ մտածող մարդը չի կարող կանխատեսել, թե ինչպես կզարգանա իրավիճակը Մերձավոր Արևելքում։

«Ուրեմն, թե հետագայում ինչպես կզարգանա իրավիճակը (Մերձավոր Արևելքում-խմբ.), չեմ կարծում, որ սթափ մտածող որևէ մեկը կնախատեսի, բայց որ ոչ մի լավ բան չի կատարվում՝ դա միանշանակ է»,-ասել է ՌԴ նախագահի մամուլի քարտուղարը: