Հայաստանի դպրոցներն այլևս իրավունք չեն ունենա հանել «Փառքի անկյունները»․ Նաիրի Հոխիկյան

Նաիրի Հոխիկյանը գրում է․
Հայաստանի դպրոցներն այլևս իրավունք չեն ունենա հանել «Փառքի անկյունները»։

Այսօր ՀՀ կրթության և գիտության նախարարությունը իմ ղեկավարած կազմակերպության պաշտոնական գրությանը նույնպիսի պաշտոնական գրությամբ արձագանքել է, որ «դպրոցներին որևէ գրություն չի ուղարկվել «Փառքի անկյունը» հեռացնելու վերաբերյալ»։

Սա նշանակում է, որ

ա) դպրոցների տնօրենները զբաղված են ինքնագործունեությամբ և ինքնագլուխ են հանում հայրենիքի համար պայքարած հերոսների փառքի անկյունները։

բ) դպրոցների տնօրեններին ապօրինի հրահանգներ են տվել իշխանության միջին օղակի պաշտոնյաներն ու չինովնիկները, մարզպետներ, փոխմարզպետներ և այլն։

գ) կառավարությունը ստում է և մեղքը գցում է դպրոցների տնօրենների վրա։

Բոլոր դեպքերում փաստ է, որ այլևս որևէ դպրոցի տնօրեն չի կարող հանել «Փառքի անկյունները»՝ պատճառաբանությամբ, թե այդպես հրահանգել են «վերևներից»։ Այդ վերևները հրաժարվել են պաշտոնապես։