Ավտոբուսի վթարի հետեւանքով մեկ տուժածի վիճակը ծանր է, այս պահին վիրահատվում է

Այսօր Հաղարծին վանական համալիրի մոտակայքում տեղի ունեցած ավտոբուսի վթարի հետևանքով 18 տուժած տեղափոխվել է մարզային բժշկական կենտրոն։ 

Առողջապահության նախարարությունից հայտնում են, որ տուժածներն այս պահին անցնում են անհրաժեշտ հետազոտությունները, ստանում համապատասխան բուժօգնություն :

Մեկ տուժածի առողջական վիճակը գնահատվում է ծանր, այս պահին վիրահատվում է, մյուսներինը` միջին ծանրության:

Ըստ անհրաժեշտության` հանրապետական շտապօգնության ծառայության միջոցով կկազմակերպվի երևանյան բուժհաստատություններ տեղափոխումը:

Ավելի վաղ հայտնել էինք, որ Հաղարծին վանական համալիրի մոտակայքում ավտոբուս է շրջվել: Նախնական տվյալներով՝ կա 18 տուժած։