Թուրքիայում հնագետները պնդում են, որ հայտնաբերել են Սուրբ Նիկոլաս Հրաշագործի ենթադրյալ գերեզմանը

Թուրքիայի Դեմրե քաղաքի Սուրբ Նիկոլաս Հրաշագործ եկեղեցում հնագետները հայտնաբերել են սրբի ենթադրյալ գերեզմանը։ Այս մասին հայտնում է Türkiye Today-ը։

Տաճարի երկհարկանի շինության պեղումները կատարվում են 1989 թվականից։ Դնրանք ղեկավարել է Մուստաֆա Քեմալի համալսարանի դոցենտ Էբրու Ֆաթմա Ֆինդիկը: Վերջին հետազոտություններն իրականացվել են երկու տարվա ընթացքում, և գետնի տակ 1,5-2 մ խորության վրա հայտնաբերվել է տեղական կրաքարից պատրաստված շուրջ 2 մ երկարությամբ սարկոֆագ։

Հնագետի խոսքով՝ մինչ դամբարանի հայտնաբերումը շրջակայքում հայտնաբերվել են կենդանիների ոսկորներ և կավե լամպերի բազմաթիվ բեկորներ։

«Մեր լավագույն հույսը սարկոֆագի վրա գրությունը գտնելն է։ Սա կօգնի պարզաբանել թաղման բովանդակությունը և թույլ կտա մեզ որոշել ստույգ ժամկետը»,- բացատրեց Ֆինդիկը: