կարևոր
3442 դիտում, 1 տարի առաջ - 2023-01-15 14:53
Հասարակություն

Մեկնարկում են բուհերի ընդունելության առաջին փուլի միասնական քննությունները

Մեկնարկում են բուհերի ընդունելության առաջին փուլի միասնական քննությունները

Մեկնարկում են 2023–2024 ուստարվա բուհերի ընդունելության առաջին փուլի միասնական քննությունները. դիմորդները քննություն կհանձնեն քիմիա և ռուսաց լեզու առարկաներից: Այս մասին իր ֆեյսբուքյան էջում հայտնում է ԳԹԿ մամուլի քարտուղար Խաչանուշ Գրիգորյանը։

738 դիմորդ քիմիա է հանձնելու, որից 284-ը Երևանում, 454-ը՝ մարզերում: 131-ը ռուսերեն է հայտագրել, որից 15-ը Երևանում և 116-ը մարզերում:

Տարվա եղանակով պայմանավորված, որոշվել է քննությունն սկսել ամռան համեմատ 2 ժամ ուշ՝ 11.30-ին: Քիմիայի քննության տևողությունը 3 ժամ է, ռուսաց լեզվինը՝ 2,5:

Հիշեցնենք, որ 2023–2024 ուստարվա բուհերի ընդունելության առաջին փուլի միասնական քննությունները կկայանան հունվարի 15-ից փետրվարի 12-ը։