Բորելը հայտարարել է, որ Թուրքիան ավելի հարմար միջնորդ է ռուս-ուկրաինական հակամարտությունում, քան ԵՄ-ն ու Չինաստանը

Եվրամիությունը չի կարող միջնորդ դառնալ Ռուսաստանի և Ուկրաինայի միջև բանակցություններում. Frankfurter Allgemeine Zeitung թերթին տված հարցազրույցում ասել է եվրոպական դիվանագիտության ղեկավար Ժոզեպ Բորելը։

«Ոչ՝ մենք. ռուսները դա չեն ընդունի, ինչպես մենք չենք ընդունի Ռուսաստանին՝ որպես միջնորդ»,- մեջբերում է ՏԱՍՍ-ը նրա խոսքերը։

Բորելը մերժել է նաեւ չինական միջնորդության տարբերակը, քանի որ «նրանք հակված են դեպի Ռուսաստանը»։

«Թուրքիան այնտեղ շատ լավ աշխատանք է կատարում։ Նա լավ հարաբերություններ ունի երկու կողմերի հետ: Լավագույնը, իհարկե, կլինի Միավորված ազգերի կազմակերպությունը»,- հավելել է նա:

Ավելի վաղ Բրազիլիայի արտգործնախարար Կառլոս Ֆրանսան առաջարկել էր իր պետության միջնորդությունը ռուս-ուկրաինական բանակցություններում։