Ռաիսին սպառնացել է հարվածել Իսրայելին

Իրանի զինված ուժերը Իսրայելի կողմից ամենափոքր սպառնալիքի դեպքում հարվածներ կհասցնեն այդ երկրի կենտրոնական շրջաններին։ Այս մասին երկուշաբթի հայտարարել է Իրանի նախագահ Էբրահիմ Ռաիսին Ազգային բանակի օրվա տոնակատարությանը նվիրված արարողության ժամանակ։

«Եթե ձեր կողմից ամենափոքր շարժում լինի, որը սպառնում է մեր ազգին, ապա Իսրայելի ռեժիմի կենտրոնը կդառնա մեր զինված ուժերի թիրախը»,- մեջբերում է նրա խոսքը IRNA-ն:

Իրանի նախագահի խոսքով՝ Իսրայելը ձգտում է կարգավորել հարաբերությունները տարածաշրջանի երկրների հետ, մինչդեռ իսրայելական ուժերի ամենափոքր տեղաշարժն աննկատ չի մնա Իրանի զինված ուժերի և հետախուզության համար։