Էմմա Պողոսյանը՝ Ծանրամարտի Եվրոպայի չեմպիոն

Հայաստանի հավաքականի անդամներ Էմմա Պողոսյանն ու Լիանա Գյուրջյանը ավարտել են ելույթները Վրաստանի Բաթումի քաղաքում ընթացող Եվրոպայի առաջնությունում:

Կանանց 86 կգ քաշային կարգի պոկում վարժությունում Էմմա Պողոսյանը երեք հաջող մոտեցում է ունեցել՝ բարձրացնելով 102 կգ, 105 կգ, 107 կգ: Այս վարժությունում նա 3-րդն էր:

Հրումում նա բարձրացրել է 132 կգ, 134 կգ, 141 կգ: Այս ձևում նա առաջինն էր: Երկամարտի 248 կգ արդյունքով` Էմմա Պողոսյանը դարձել է Եվրոպայի չեմպիոն:

Լիանա Գյուրջյանը պոկում վարժությունում բարձրացրել է միայն 101 կգ: Հրում նա բարձրացրել է 130 կգ ու 135 կգ: Այս վարժությունում նա երկրորդն էր:

Երկամարտի 236 կգ արդյունքով` Գյուրջյանը Եվրոպայի առաջնությունում 5-րդն է: