Թալիբները Ռուսաստանին և Ուկրաինային խաղաղության կոչ են արել

Աֆղանստանի Իսլամական Էմիրության պաշտոնական ներկայացուցիչը և արտաքին գործերի նախարարության ներկայացուցիչը հայտարարություն են տարածել Ուկրաինայում տիրող իրավիճակի վերաբերյալ։ Թալիբները կոչ են արել Ռուսաստանին և Ուկրաինային՝ էսկալացիան չհասցնել բռնության։

«Աֆղանստանի Իսլամական Էմիրությունը ուշադիր հետևում է Ուկրաինայում տիրող իրավիճակին և անհանգստացած է քաղաքացիական անձանց մահվան հնարավորությամբ։ Իսլամական Էմիրությունը երկու կողմերին զսպվածության կոչ է անում։ Բոլոր կողմերը պետք է ձեռնպահ մնան բռնության հանգեցնող էսկալացիայի ենթարկող դիրքորոշումներից։

Աֆղանստանի իսլամական էմիրությունը, չեզոքության իր արտաքին քաղաքականությանը համապատասխան, կոչ է անում հակամարտող կողմերին՝ ճգնաժամը լուծել երկխոսության և խաղաղ ճանապարհով»,- ասվում է հայտարարության մեջ։

Իսլամական էմիրությունը նաև կոչ է արել հակամարտող կողմերին՝ ուշադրություն դարձնել «Ուկրաինայում աֆղան ուսանողների և միգրանտների անվտանգության ապահովմանը»։