Սիրիայում ամերիկյան շարասյունը հարձակման է ենթարկվել

Սիրիական Ալ Հասաքա նահանգում հարձակման է ենթարկվել ամերիկյան ռազմական շարասյուն․ հայտնում է Sana գործակալությունը։

Հաղորդվում է, որ երկու պայթուցիկ սարքեր են գործարկվել շարասյան երթուղու երկայնքով Էլ Յարուբիա գյուղում, ինչի հետևանքով մեքենաները մեծ վնաս են կրել։ Հարձակմանը հաջորդել է ամերիկյան աջակցությունը վայելող քրդական ընդդիմադիր «Ժողովրդավարական Սիրիայի ուժերի» ստորաբաժանումների շտապ մոբիլիզացիան:

Դեկտեմբերի 7-ին հայտնի դարձավ, որ Իսրայելի ռազմաօդային ուժերը ավիահարված են հասցրել սիրիական Լաթաքիա քաղաքի նավահանգստային շրջանին։ Իսրայելը հրթիռներով հարձակվել էր նավահանգստի բեռնարկղերի վրա։ Հարվածը հասցվել էր Միջերկրական ծովից։