Տենց չի եղել, որ ես հրաժարվել եմ ՀՀ դրոշի ներքո հանդես գալուց, ուղղակի ստացվել է. Լեւոն Արոնյան

Տենց չի, որ ես հրաժարվել եմ Հայաստանի դրոշի ներքո հանդես գալուց,  ուղղակի այդպես ա ստացվել: Ոչ մեկից դժգոհ չեմ, բայց եթե ես պիտի ծառայեմ իմ ազգին, պիտի գնամ այն քայլերին, որոնցով կկարողանամ ծառայել: Մնացած ամեն բան արդեն խոսել ու անցել ենք: Ես նվիրված եմ, իմ մտքերն ու խոսքերը պարզ են, հպարտ քայլում եմ ու անում իմ աշխատանքը. Yerkir.am-ի հաղորդմամբ՝ ասաց Համաշխարհային Օլիմպիադայի եռակի չեմպիոն, աշխարհի կրկնակի գավաթակիր, գրոսմայստեր Լեւոն Արոնյանը:

Հիշեցնենք՝ Լևոն Արոնյանը ոչ վաղ անցյալում հայտնել էր, որ մեկնում է ԱՄՆ եւ այլեւս հանդես չի գալու Հայաստանի դրոշի ներքո:

Հարցին՝ ինչու՞ չի ցանկանում ապրել Հայաստանում, ո՞րն է պատճառը, որ հեռացել է իր երկրից, շախմատիստը շեշտեց՝ Հայաստանում չի կարող ապրել, եթե ուզում է շախմատային պոտենցիալը հասցնել մաքսիմումի:

«Որովհետեւ այնտեղ է պայմանները եւ վերաբերմունքը: Իհարկե, մեր ազգը շատ է սիրում շախմատ, բայց այնպես է ստացվել, որ մեր իշխանություններն այլ ճանապարհ են տեսնում: Դու չես կարող քոնը պնդել ու ասել՝ չէ, սա է ճիշտը»,-ընդգծեց նա:

Լիանա Սարգսյան

Մանրամասները՝ տեսանյութում.