Ռուսաստանն արգելել է ադրբեջանական ծիրանը

«Ռոսսելխոզնադզորը» պաշտոնապես տեղեկացրել է Ադրբեջանին նեկտարինների և ծիրանների խմբաքանակներում Monilinia fructicola-ի առկայության  մասին. հայտնում են ռուսական լրատվամիջոցները:

Զեկույցում ասվում է, որ «Ռոսսելխոզնադզորը» խնդրել է միջոցներ ձեռնարկել՝ վարակված ապրանքների հետագա առաքումը Ռուսաստանի Դաշնություն կանխելու, այդ թվում՝ Ռուսաստան ուղարկվող յուրաքանչյուր խմբաքանակի վերահսկման, ինչպես նաև միջադեպի պատճառների ուսումնասիրման և դրա արդյունքների մասին տեղեկացնելու համար:

Հարկ է նշել, որ այս ամսվա սկզբին «Ռոսսելխոզնադզորն» արգելել է նաև Ադրբեջանից ծիրանի մեծ խմբաքանակի (18,7 տոննա) մատակարարումը: