Ադրբեջանի ՊՆ ղեկավարը հրամայել է «կանխել հայկական սադրանքները»

Հուլիսի 19-ին, Ադրբեջանի պաշտպանության նախարար Զաքիր Հասանովի ղեկավարությամբ, տեղի է ունեցել երկրի ԶՈւ հրամկազմի նիստ, որի ընթացքում թշնամական պետության նախարարը հրահանգել է զորքերին՝ «կանխել հայկական սադրանքները»։

Հանդիպման մասնակիցներին հիշեցնելով Ադրբեջանի նախագահի խոսքերը, թե իբր «պատերազմն ավարտված է, բայց, չնայած դրան, մենք պատրաստ ենք և ցանկացած պահի պետք է պատրաստ լինենք պատերազմի»,  Հասանովը հանձնարարել է բարձրացնել մարտական հերթապահություն ստանձնած զինծառայողների զգոնությունը, ընդլայնել ստորաբաժանումների նյութատեխնիկական աջակցության հնարավորությունները:

Վերլուծելով իրենց կողմից օկուպացված՝ Արցախի տարածքներում, ինչպես նաև հայ-ադրբեջանական պետական սահմանին առկա իրավիճակը, նա լարվածության սրման համար պատասխանատու է համարել Հայաստանին:

Հասանովը հրամանատարական կազմին հանձնարարականներ է տվել՝ «կապված հայկական զինված ուժերի հնարավոր սադրանքների ճնշման հետ»: