Հունաստանը 12 մղոնով ընդլայնում է իր տարածքային ջրերը Իոնական ծովում

Դեկտեմբերի 25-ին Հունաստանի կառավարությունը հրապարակել է նախագահի հրամանագիր Իոնական ծովի տարածքային ջրերը 12 մղոնով ընդլայնելու վերաբերյալ: Նախկինում տարածքը վիճարկվում էր նաև Ալբանիայի կողմից:

Հունական Protothema պարբերականը մանրամասն զեկույց է հրապարակել նախագահի որոշման վերաբերյալ՝ այն անվանելով «հստակ ուղերձ Թուրքիային», քանի որ փաստաթղթի տեքստում շեշտվում է, որ, ՄԱԿ-ի կոնվենցիային համապատասխան, Հունաստանի կառավարությունն իրավունք ունի «տարածքային ջրերում տարածելու այս կետի դրույթը»:

Տարածքային ջրերի ընդլայնումը նշանակում է Հունաստանի Բացառիկ տնտեսական գոտու ընդլայնում Իոնական ծովում, որտեղ երկիրը կարող է որոնել հանքավայրեր և օգտագործել ռեսուրսները, այդ թվում՝ ջրից և օդից էլեկտրաէներգիա արտադրելու համար:

Ակնկալվում է, որ Ալբանիայի և Հունաստանի միջև համաձայնագիրը կստորագրվի Հաագայում՝ Միջազգային դատարանում: