Հունաստանը ԵՄ-ին հորդորել է սահմանափակել Թուրքիայի գործողությունները Արևելյան Միջերկրական ծովում

Թուրքիայի գործողությունները Արևելյան Միջերկրական ծովում պետք է սահմանափակվեն Եվրամիության կողմից: Այս կոչով նոյեմբերի 26-ին հանդես է եկել Հունաստանի արտաքին գործերի նախարար Նիկոս Դենդիասը:

Ըստ Դենդիասի՝  ԵՄ-ն պարտավոր է միջամտել վիճելի ջրերում Անկարայի՝ գազի և նավթի որոնումների հետ կապված իրավիճակին, հակառակ դեպքում՝ Թուրքիան կորոշի, որ նման գործողությունները կարող են իրականացվել անպատիժ:

«Թուրքիան այնպիսի տպավորություն կունենա, որ կարող է առանց որևէ սահմանափակման շարունակել իր ներկայիս պահվածքը»,- ասել է Հունաստանի արտգործնախարարը:

«Եթե Թուրքիայի իշխանությունները չեն ցանկանում կատարել միջազգային օրենսդրությամբ սահմանված պայմանները, ապա Եվրամիությունը պետք է վճռականորեն գործի և պատժամիջոցներ կիրառի հանրապետության դեմ»,- հավելել է նա:

Բացի դրանից՝ Դենդիասը խնդրել է ԵՄ երկրներին, այդ թվում՝ Գերմանիային, որն այս տարածքում ամենամեծ թուրքական մատակարարն է, դադարեցնել զենքի մատակարարումը Թուրքիային, քանի որ Աթենքը վախենում է, որ Անկարան կարող է զենք կիրառել՝ հունական կողմին ճնշելու համար: